ROXAS CITY – Nagapanawagan ang Commission on Elections sa publiko nga hingalitan ang kahigayunan sang liwat nga pagbukas sang voters registration para sa 2022 national kag local elections.
Ini ang ginpahayag ni City Election Officer Atty. Jomar Alyzar Betita sang mainterview sang Bombo Radyo.
Suno kay Betita magasugod sa Enero 20 ang voters registration kag magatapos ini sa Setyembre 30, 2021.
Mahimo lamang magpadulong ang mga botante sa ila tagsa ka mga local Comelec offices humalin alas otso sa aga tubtob alas singko sa hapon.
Gin-athag man sini nga ang mga nakaparehistro sadtong may 2019 midterm election ang indi na pwede mag-apply.
Magluwas sa bag-o nga mga botante, nagaproseso man sila sang transfer of registration records, change ukon correction of entries sa registration record, reactivation of registration record kag reinstatement of name sa list of voters.
Para sa pagparehistro, kinahanglan lamang nga magdala sang valid ID ang isa ka botante.
