Naghatag sang paandam si Commission on Elections Chairman (COMELEC) George Erwin Garcia sa mga kandidato nga suguran nga kakason ang mga campaign materials ilabi na ang mga dalagkuan nga posters nga naglapta sa mga karsada subong nga adlaw.
Sumugod sang magaaga sang Mayo 12, ginabawal na ang ano man nga klase sang pagpangampanya bisan sa social media.
Ginganyat man ni COMELEC Chairman George Erwin Garcia nga i-respeto sang mga kandidato ang ulihi nga adlaw nga mahimo makapamakal ang mga botante.
Ang tanan nga makonsidera nga pagpangapanya sang mga kandidato sumugod bwas tubtob sa adlaw sang Elections ang mahimo mangin rason para sa diskwalipikasyon.
Ang official nga campaign ban ang suno man sa COMELEC Resolution No. 11086 sang Fair Elections Act nga naghambal nga ginabawal ang tanan nga election-related activities kasubong sang mga pagbutang sang campaign materials ukon ang libreng sakay, pagkaon ukon ilimnon.
