Nagpatigayon na ang Commission on Elections sang final testing and sealing sang automated counting machines sa Mindanao bilang preparasyon sa BARMM parliamentary elections.
Personal nga nasaksihan ni Comelec Chairman George Garcia ang proseso sa Cotabato City Institute sa Cotabato City, isa sa mga designated polling centers.
Katuyuan sang testing kag sealing nga masiguro ang kahandaan sang mga machine kag matawhay kag luwas ang paghiwat sang eleksyon buwas nga adlaw.
Naka-standby naman ang kapulisan sa Dalican Pilot Elementary School sa Datu Odin Sinsuat, Maguindanao del Norte samtang nagahulat sang mga
machine nga pagagamiton.
Suno sa pamunuan sang eskwelahan, 16 ka mga hulot-klasehan ang pagahimuon nga polling places nga may isa ka automated counting machine ang kada isa.
Samtang, naka-full alert status naman ang Philippine National Police sa bug-os nga rehiyon sang BARMM agud mapasiguro ang kalinong kag seguridad sa una nga parliamentary elections sa lugar.
