ROXAS CITY – Ginalauman na sang COMELEC nga madamo ang magapadulong sa ila opisina sa nabilin nga semana sang voter’s registration.
Sa interview sang Bombo Radyo kay Atty.Wil Arceño, COMELEC provincial election supervisor nga wala na sang extension ang pagparehistro nga magatapos sa Setyembre 30.
Ginklaro man sini nga halin alas otso sang aga tubtob alas singko sang hapon gid lamang ang ila pagbaton sang magaparehistro wala labot ang adlaw sang Dominggo.
Dugang pa ni Arceño nga igabutang sa mall sang City COMELEC office ang katapusan nga semana sang registration para maakomodar ang madamo nga tawo nga magahingagaw sa pagparehistro samtang magapabilin naman sa ila mga opisina ang yara sa mga munisipyo.
Samtang amat-amat naman nga nagasaka ang numero sang mga botante sa Capiz nga posible malab-ot diri ang target para sa 2025 midterm election.
