Magapagwa sang desisyon ang Commission on Elections ukon Comelec sa kaso nga nagalambot sa Statement of Contributions and Expenditures (SOCE), ni Rodante Marcoleta sa Miyerkules.
Sa pahayag ni George Garcia, ang diskusyon sang komisyon sa “En Banc” meeting bangod sa isyu, kag ginapaabot nga makapagwa sila sang pinal nga desisyon sa Miyerkules.
Samtang, ginpahayag sang Comelec, nga may mga komplikasyon sa pagresolba sang kaso matapos gin-refer sang Office of the Ombudsman ang reklamo nga nagausisa sa SOCE kag Statement of Assets, Liabilities and Net Worth (SALN) sang senador.
Base sa SOCE ni Marcoleta, nagastos sini ang kapin P139.9 milyon sa iya kampanya sa pagka-senador sang 2025, nga mas mataas kumpara sa iya ginpahayag nga net worth nga P51.9 milyon sa iya SALN.
Ginpahayag man sini nga wala siya sang gin-deklarar nga donasyon.
Nahibaluan sa nagligad nga pahayag, gin-ako ni Marcoleta nga wala niya nadeklarar ang mga kontribusyon nga iya nabaton para sa eleksyon bangod ginpangayo sang iya mga donor nga magpabilin nga anonymous.
