ROXAS CITY – Ginpatigayon ang labing una nga sesyon para sa tuig 2019 tubtob 2022 sa idalom sang administrasyon ni Governor Esteban “Nonoy” Contreras kaupod ang mga board members gikan sa primier kag Segundo distrito sang probinsya sa session hall sang Sangguniang Panlalawigan sa kapitolyo probinsyal.
Nagtambong ang tanan nga mga board members magluwas lamang kanday SK Federation President Renze Tevez kag Provincial Liga ng mga Barangay President ukon Ex-officio member Kerobin Pamplona.
Gintalakay sa sesyon ang pamunuan nga mga committee chairmanship sang mga board members kalakip ang mga programa kag aktibidad nga ila iipatuman sa probinsya.
Nahibaluan nga pamunuan ni BM Ricky Martin ang Committee on Agriculture kag Justice and Human Rights.
Nagkadto naman kay BM Jonathan Sonny Besa ang Committee on Appropriations kag Transportation, Communications and Public Utilities; Pamunuan naman ni BM Kerobin Pamplona ang Committee on Barangay affairs.
Manginn chairman sang Committee on Cooperatives, POs kag NGOs kag Laws and Good Governance si BM Eleuper Martinez, Nagkadto naman kay BM Karen Palomar ang chairmanship sang Committee on Economic Affairs, Trade, Commerce and Industry kag Labor.
Magauyat naman sa Committee on Education, Science and Technology kag Social Welfare, Women, Family, and Person with disability si BM Thea Faith Reyes.
Samtang si BM Matthew Hatchuela naman ang magauyat sang Committee on Environment and Natural Resources kag Rules and Priviledges.
Mangin chairman sang Committee on Health kag Reorganization si BM Esteban Jose Contreras.
Si BM Wildie Apolinario naman ang mangin chairman sang Committee on Infrastructures, Public Works and Highways kag Zoning.
Si PCL representative Ferdinand Baguio naman ang mangin chairman sang Committee on Local Government kag Public Ethics ang Accountability.
Si BM Elmer Arevalo naman ang mangin chairman sang Committee on Peace and Order and Public Safety kag Senior Citizens.
Si BM Victor Tanco Jr. ang mangin chairman sang Commitee on Tourism, Culture, Arts and Indigenous People kag Ways and Means samtang mangin chairman sang Youth and Sports Development si BM Renzo Tevez.
Suno kay Sangguniang Panlalawigan Secretary Zoey Herera ang mga ginauyatan nga komitiba sang mga board membes ang ginbasehan pinaagi sa pagboto sang mayorya kag ginrespeto sang isa kag isa. Ginpahayag pa sini nga nangin matawhay sa kabug-osan ang ginpatigayon nga sesyon.
