ROXAS CITY – Nagsugod na ang Community Support Program sang 12th Infantry Battalion Philippine Army sa mga coastal areas partikular na sa Barangay Baybay kag Barangay Culasi sining siyudad.
Ini ang ginpahayag ni Punong Barangay Reynaldo Magallanes sang Barangay Baybay sang mainterview sang Bombo Radyo Roxas.
Suno kay Magallanes ang nasambit nga programa sang militar ang makabulig agud mas mangin malapit ang gobyerno sa mga tawo.
Magluwas diri, ginpahayag sang nasambit nga punong barangay nga indi lamang ang barangay sang Baybay kag Culasi ang padulongan sang mga katapo sang militar subongman ang pila ka mga barangay diri sa siyudad sang Roxas.
Mahibaluan nga nakadeploy na sa nasambit nga mga barangay ang mga katapo sang militar kun sa diin nagabulig sila sa mga Local Government Units ukon LGU’s kag pumuluyo sa pagpalab-ot sang ila problema subongman sa pagtapna sa ginapatigayon nga insurhensya sang mga rebelde nga grupo.
