ROXAS CITY-Nagapadayon ang Community Support Program sang Armed Forces of the Philippines sa probinsiya sang Capiz.
Ini ang ginkompimar ni Major Cenon Pancito III ang tagpamaba sang 3rd Infantry Division sang Philippine Army.
Suno kay Pancito nga tinutuyo sang nasambit nga programa amo ang mapalapit ang komunidad sa mga militar kag buligan ang mga tawo sa ila ginpalab-ut nga sentimyento.
Ginpahayag sang opisyal nga nagtakop na ang first phase sang ila programa kun sa diin ginapanguha kag ginatipon sang militar ang mga problema sang tagsa ka mga komunidad.
Dugang pa ni Pancito nga sa tion nga mapalab-ut na sang komunidad ang tanan nga problema, gilayon sila magapatawag sang sinapol kaupod ang mga opisyales sang barangay kag nagkalain-lain nga ahensya sang gobyerno agud mahatagan sang nagakaigo nga solusyon.
