Ginklaro ni Senadora Risa Hontiveros nga indi pag-ibase sa international standards ang comprehensive sexuality education nga igatudlo sa mga bata kag sa baylo magaserbe lamang nga giya.
Ginakahadlukan kag ginapamatukan sang pila ka grupo kag senador ang probisyon sa bill nga naka-angkla ang comprehensive sexuality education sa guidelines sang United Nations Educational, Scientific and Cultural Organizationo (UNESCO) kag World Health Organization (WHO).
Ginklaro ni Hontiveros nga mangin giya lang ang international standards kun makabulig ini sa kaayuhan sang mga pamatan-on kag wala sang intensyon ukon legal nga obligasyon nga ilugon ini.
Suno sa iya, kun may ginapahayag nga indi nagakabagay sa konteksto kag kultura sang Pilipinas, indi ini paggamiton.
