ROXAS CITY – Ginareklamo sang mga residente sang Barangay Bonga, Panay ang pag-operate sa gihapon sang isa ka computer shop sa nasambit nga lugar sa pihak sang hugot nga pagdumili sini sandig sa ginapatuman nga province-wide Enhanced Community Quarantine bangud sang coronavirus disease (COVID-19) pandemic.
Suno kay Barangay Kagawad Angelyn Blancaflor, madamo nga residente na ang naga-reklamo sa amo nga computer shop.
Ginpahayag sini nga makapila ka beses naman nila nga ginsaway ang tag-iya sini kag ginpanugyanan nga magsarado apang may mga nagapalab-ot sa gihapon sa ila sang impormasyon nga ini ang padayon sa pag-operate.
Suno kay Blancaflor nga indi man nila maaktuhan sa akto nga bukas ang amo nga computer shop bangud nagapakadto pa lamang sila, kasubong may naka-timbre na sa tag-iya kag ini ang ginasaraduhan antes pa man sila mag-abot.
Ginpasalig naman sang opisyal nga paga-aksiyunan sang mga opisyales ang amo nga problema.
