ROXAS CITY – Ginpa-bombo sang isa ka concerned citizen ang principal sang Katipunan Village Elementary School sa Barangay Lawaan Roxas City bangud sa naobserbahan sini nga indi insakto nga pagsulundan sa nasambit nga eskwelahan.
Suno sa ginikanan nga ang iya bata ang yara naga-eskwela sa nasambit nga eskwelahan madamo sila sang nakit-an nga indi insakto sa pagdumala sang ila principal.
Una diri ang alegasyon nga indi maayo nga batasan sang principal, pagbawal nga buksan ang gate sa oras sang buhi para makasugat sang matawhay ang mga ginikanan, iya man ginbawalan ang iban nga nagabaligya sa canteen kay para iya lang nga pakaisa ang makabaligya nga sang una indi man kasubong sini ang sistema.
Ginakatingala man sini ang pagpangsolicit sang mga manunudlo para sa pagbakal sang ink, prutas kag utanon nga sa pagpati nila may budget ang ila eskwelahan.
Sa tion sang brigada sila man nga mga 4P’s member ang ginpangayuan sang pambakal gasolina para sa grasscutter kay suno diri may ginabaton man sila nga ayuda sa nagikan sa gobyerno.
Dugang pa sini nga kun gina-ubo kg ginasip-on ang mga manunudlo nagaklase sa gihapon ini kag naga-atubang sa mga bata sa baylo nga magpahuway sa balay bangud sa posibilidad sintomas sang COVID 19.
Wala man sa iya nakaluwas nga may mga record ini sa iya anay ginhalinan nga eskwelahan ,kag pati ang mga estudyante nagahambal nga maldita kag suplada ang principal.
Wala naman sang problema ang nagareklamu sa mga manunudlo kay maayo man ang ila nga relasyon sa mga ginikanan.
Bukas naman ang Bombo Radyo sa pamunuan sang eskwelahan para magsabat sa amu nga isyu.
