ROXAS CITY – Ginpanindugan ni Capiz 2nd District Congressman Fredinil Castro nga wala ini nagapili sang ginabuligan kag tanan nga ma-validate sang DSWD, LGUs kag mga Barangay Officials, ang makabaton sang ayuda.
Ginhimo sang kongresista ang pahayag bilang sabat sa palamangkutanon sang iban nga makabaton ayhan ang banwa sang Pontevedra sang bulig.
Suno kay Castro nga nakapatigayon na sila sang distribusyon sa pila mga banwa kag magapadayon ini sini nga bulan sang Pebrero.
Ginpasalig man sini nga makabaton ang mga pumuluyo sang Ponteverda sang ayuda sa diin ginpanugyanan sini si Mayor Esteban Dodoy Contreras nga magsumiter na sang listahan sang mga indigents kag naapektuhan sang Ursula agud ma-asikaso ini kag masuguran ang distribusyon.
Pag-abot sa political plans ni Congressman Castro , ginpahayag sini nga wala pa sa iya pinsar nga magpadalagan bilang gobernador sang probinsiya.
