ROXAS CITY – Ginkumpirma sang kongresista sang segundo distrito sang probinsiya sang Capiz nga pinaagi sa iya pagpanikasog ang nabaton nga tag P500 nga kantidad nga ginahatag sa mga pigado kag naapektuhan sang bagyo Ursula sa Capiz.
Ginpahayag ni Congressman Fredinil Castro sa kagustuhan nga makabulig sa mga Capizeño nga naapektuhan sang kalamidad, nagpangita ini sang pondo agud mabuligan ang makaluluoy nga mga pumuluyo.
Matapos nakapangayo sang pondo sa mga kilala sa gobyerno nasyunal, gin-tap sini ang Department of Social Welfare and Development (DSWD), LGU’s kag brgy officals sa diin sila ang may direkta nga ihibalo kun ang ila mga constituents ang naapektuhan sang kalamidad.
Nagapati man ini nga supisyente ang P13 milyones nga pondo nga natipon para ibulig sa mga nagakinahanglan.
Kwalipikado nga makabaton sang P500 nga ayuda ang mga indigents kag apektado sang bagyo Ursula.
