May ginahimo na nga tikang ang talatapan sang Capiz 1st district congressman sa probinsiya agud indi na masulit ang natabo nga pagpangilkil ukon pag-cutting sang bentahoso nga mga persona sa mabaton nga financial assistance sang mga nagapangayo sang bulig.
Sa exclusive interview sang Bombo Radyo kay Congressman Emmanuel ‘’Tawi’’ Billones Sr., ginkumpirma sini nga may gindihon na nga tikang ang iya talatapan agud indi na makapamentaha ang ginatawag fixers sa makuha nga financial assistance sang mga nagapangayo sang bulig.
Suno sa opisyal sa pagpangusisa sang talatapan nagaguha nga magluwas sa nadakpan na nga persona nga ginbalik na ang ginkuha sini nga kantidad sa mga indibidwal nga nagapangayo sang financial assistance, may iban pa nga ila ginadudahan nga nagahimo sang kasubong nga modus.
Ginapanindugan man sini nga wala sang kahilabtanan ukon contact sa iya talatapan mangin sa DSWD ang ginasiling mga fixers para makahimo sang ila pagpanunto sa ila biktimahon, kundi may pamaagi lamang sila agud makapang-biktima sang mga inosente nga indibidwal.
Nagpasalamat man ang kongresista bangud nabuyagyag ini nga modus kag ila naaksyunan.
Ginklaro man ni Congressman Billones nga ang iya talatapan ang nagaproseso lamang sang mga rekisitos nga ginapangayo sang DSWD para sa mga nagapangayo sang financial assistance sa diin ang natungdan nga ahensiya sang gobyerno ang naga-release sang nasambit nga ayuda.
