Ginalauman nga mangin mas mabug-at ang testimonya sang masunod nga mga testigo sa
hearing sang una nga Article of Impeachment batok kay Bise Presidente Sara Duterte.
Sa interview sang Bombo Radyo kay Atty. Carlo Ibañez, isa ka constitutional law expert,
iya ginpahayag nga ginalauman nga magamit ang testimonya sang mga masunod nga testigo
agud mapamatud-an ang mga video nga ginpresentar bilang ebidensya.
Suno kay Ibañez, posible nga ang mga pahayag kag ebidensya sang mga masunod nga testigo
ang may direkta nga kaangtanan sa kaundan sang mga pahayag ni Vice President Duterte.
Dugang pa sang natungdan, importante ang tagsa ka witness bangud ang ila testimonya ang
mangin basehan sang impeachment court sa pagtimbang kun bastante ang ebidensya nga
pamatud-an ang tanan nga gin-file nga mga articles of impeachment.
