Ginakabig sang Constitutional Law expert kag Presidente sang Philippine Arbitration sa Visayas nga satisfy ini sa ika-lima nga State of the Nation Address ni Presidente Ferdinand Marcos Jr., nga nagtumod sa paggamit sang Artificial Intelligence (AI) nga amo ang Pax Pax Silica
Sa interview sang Bombo Radyo kay Atty. Joenar Pueblo, iya ginpahayag importante nga nahibalo sa publiko ang padayon nga paggamit kag pag-pakigkompetensya sang Pilipinas sa teknolohiya pareho sang AI.
Suno kay Pueblo, apisar daku ang mahimo nga bulig sang AI mahimo man ini nga magdala sang negatibo nga epekto kon indi maayo ang paggamit sini.
Ginpahayag man sini nga sa modernong panahon, ang AI mahimo nga makaimpluwensya sa opinyon sang mga tawo kag sa impormasyon nga ila ginabaton.
Ang Pax Silica Initiative amo ang isa ka outline para sa seguridad sa ekonomiya nga ginpangunahan sang Estados Unidos tinutuyo sini amo ang mapasangkad ang global supply chain para sa artificial intelligence (AI).
Lakip sa mga miyembro sini ang Pilipinas, Japan, Australia, kag South Korea.
