Ginhatagan sang pagtamod sang constitutional law expert nga dapat usisaon sang
insakto ang impeachment complaint batok kay Presidente Ferdinand Marcos Jr. kag sundon ang proseso sang Constitution.
Sa interview sang Bombo Radyo kay Atty. Joenar Pueblo, Presidente sang Philippine Arbitration Center sa Visayas, iya ginpahayag nga ang impeachment ang isa ka seryoso nga tikang kag indi dapat himuon nga basehan lang sang pamolitika.
Suno kay Pueblo, ang kada impeachment complaint ang dapat nga mag-agi sa maid-id nga pag-usisa sa Kongreso agud matumod kon may yara sang nagakaigo nga basehan.
Dugang pa niya, importante man nga malikawan ang bisan ano nga impluwensya gikan sa politika kag ang proseso ang nagakadapat nga transparent kag patas para sa publiko.
Ang impeachment complaint ang gin-file ni Pusong Pinoy Party-list Rep. Jett Nisay, nga naga-akusar sa Presidente sang graft and corruption, paglapas sa Constitution, kag pagkadula sang public trust.
Lakip sa mga rason amo ginapahayag addiction sang Presidente sa droga, nga ginasuportahan sang mga pahayag sang iya utod nga si Sen. Imee Marcos.
