Construction sang farm-to-market roads sa Pila ka mga lugar sa Pilipinas, ginalauman nga maumpisahan na sa Agosto

Ginalauman sang Department of Agriculture (DA) nga maumpisahan na sa Agosto ang konstruksyon sang mga farm-to-market roads (FMR) sa pila ka mga lugar sa Pilipinas.

Suno kay DA spokesperson Assistant Secretary Arnel de Mesa, ginadihon na subng sang ahensya ang bidding para sa dalagko nga farm-to-market road projects kag target nga ma-award ang mga kontrata sa tunga-tunga sang Hunyo kag Hulyo.

Dugang pa ni de Mesa, gina-finalize naman sang DA ang budget sang konstruksyon kada kilometro base sa lokasyon, terrain, gastos sa materyales, kag labor para sa kada lugar.

Ginpasiguro naman ni de Mesa nga wala sang mangin delay sa implementasyon sang mga proyekto.