ROXAS CITY – Arestado ang isa ka Construction worker matapos ang ginkasa nga drug buybust operation sang gintingub nga puwersa sang Provincial Drug Enforcement Unit (PDEU) kag Philippine Drug Enforcement Agency (PDEA) sa bahin sang Paragon Village Brgy. Dinginan Roxas City.
Ginkilala ang suspetsado sa kay Oriel Arandez 34-anyos kag resisdente sang Sitio Cassandra Brgy. Punta Tabuc Roxas City.
Nakuha sa posesyon ni Arandez ang tatlo tanan ka sachets sang suspected shabu, kun sa diin isa diri ang nabakal nga nagabug-at sang mas o menus P80,000 nga street value, P7,000 nga buybust money, cellphone, isa ka motorsiklo kag mga drug paraphernalia.
Mahibaluan nga sang damlag lang nadakpan man ang manghud sini nga si Omar Arandez sa pagduso man sang ilegal nga droga.
Sa karon, natalana nga pasakaan sang kaso nga paglapas sa RA 9165 ukon ‘Comprehensive Dangerous Drugs Act Of 2002’ si Oriel, kag maga-updanay sila sang iya utod nga si Omar, sa kustodiya sang Roxas City PNP para sa nagakaigo nga disposisyon.
