Construction worker gin-alegar ginbuno sang buka nga botelya sang 3 ka pamatan-on

ROXAS CITY – Pilason ang isa ka construction worker matapos natripingan sang tatlo ka menor de edad sa Barangay Lonoy, Roxas City.

Ginpadangat sa ospital si Renato Bandellon 47-anyos matapos mag-angkon sang pilas malapit sa alatrasan sang ginbuno sang mga menor de edad gamit ang ginbuka nga botelya sang ilimnon.

Suno sa biktima nga ginkatingala sini nga hinali siya ginpalapitan sang tatlo kag hinali nga ginbuno.

Nakig-areglo naman ang pamilya sang mga pamatan-on sa pamilya sang biktima sa diin nagpromesa ang mga ginikanan sang tatlo nga abagahon ang nangin kagastuhanan sa pagpabulong sa ospital ni Bandellon.