Construction worker ginaalegar naghikog sa ila balay

ROXAS CITY – Patay ang isa ka construction worker matapos ginaalegar naghikog sa Block 38 sa Angelville Subdivision, Barangay San Jose gamit ang live wire.

Nasapwan ang biktima nga si Noe Escosio nga yara na sa advanced state of decomposition sa nasambit nga unit sa diin nagaburambod pa ang wire sa liog sini.

Emosyunal naman ang utod sang biktima sang makita ang sitwasyon sang manghod.

Ginpahayag nga posible na-depress ang biktima matapos nga gindala sang iya bayaw ang duha ka mga anak sa Iloilo sa pagpati nga ginapabayaan ini sang biktima.

Suno sa mga otoridad nga posible masobra na sa 24 oras nga napatay ang biktima.

Samtang ipaidalum sa autopsiya ang bangkay sang biktima.

Nahibaluan nga hinipo sa walo ka mag-utod ang biktima.