Construction worker, patay matapos ginlamon sang cement mixer

Patay ang isa ka 31 anyos nga construction worker matapos madala pasulod sang cement mixer sa Barangay Batangan, Bindoy, Negros Oriental.

Sandig sa impormasyon, nagahimo sang concreting project ang kompaniya nga ginatrabahoan sang biktima.

Base sa imbestigasyon sang kapulisan, ginaalegar nga ginatsekyar sang biktima ang cement mixer sang nagsab-it sa makina ang iya nga panapton.

Ginapahayag nga nagaandar ang makina kag madasig ang paglibot sini rason nga nabutong pasulod sa mixer ang construction worker.

Sandig sa mga nagresponde nga otoridad, nabudlayan sila nga makuha ang lawas sang biktima halin sa pagkaipit sa mixer.

Sang makuha na ang lalaki sa mixer, gintinguhaan pa ini nga madala sa ospital apang wala na natabangan pa.