ROXAS CITY – Patay ang isa ka construction worker matapos ginluthang sa Sitio Ilawod, Barangay Capagao, Panitan, Capiz.
Nag-angkon sang pilas sa dughan ang biktima nga si Micheal Obligar 33-anyos sang Barangay Capagao, Panit-an.
Ba-se sa imbestigasyon sang Panit-an Police Station magkaupod nga naga-inum ang biktima kag ang suspek nga si Dennis de Panay 45-anyos sa balay ni Jonathan Degoma sang nakaangkon sila sang pagbaisay.
Ginsiling nga nagpauli ang suspek apang sa iya pagbalik may dala na ini nga isa ka shotgun.
Kasunod sa pagsipa sang suspek sa pirtahan sang balay ang pagpalapit sini sa biktima kag ang pagluthang diri.
Nagaguwa sa karon nga hinubog nga estorya ang motibo sa krimen.
Samtang padayon nga gina-ayam sang mga otoridad ang suspek nga gilayon nagpalagyo matapos ang krimen.
