ROXAS CITY – Pilas ang naangkon sang isa ka construction worker, matapos ginbuno sang kaangay man sini construction worker sa Sitio Patag, Barangay Lawaan, Roxas City.
Ginkilala ang biktima kay Jay Berlandino, 29-anyos samtang ang ginapahayag suspek ang ginkilala kay Miguel Besa 42-anyos lunsay mga residente sang nasambit nga lugar.
Sa impormasyon nga nakuha sang Bombo Radyo sa Roxas City PNP, ginpahayag nga ang nag-abot sa ila gina-istaran ang suspek nga yara sa impluwensya sang makahulubog nga ilimnon.
Bangud sini, ginkompronta siya ni Arnel Berlandino apang may nagluntad nga indi pag-intindihanay sa duha rason nga nagdalagan ini paguha kag nagdumugay kag nagpadulong sa balay sang biktima.
Bun-on na kun tani sang suspek si Berlandino apang ginsagang ini sang biktima rason nga siya ang nabun-an.
Nag-angkon sang pilas sa iya wala nga butkon si Berlandino nga madasig naman gindapatan sang pauna nga pagbulong sang katapo sang Bureau of Fire Emergency Medical Service, antes ginpadangat sa Bailan District Hopsital para sa nagakaigo nga pagbulong.
Sa karun nakahunong na sa karsel sang Roxas City PNP ang nasambit nga suspek para sa nagakaigo nga disposisyon.
