Consumers Union of the Philippines, nagpahanumdom sa consumers nga magbitbit sang listahan kun magpaninda subong nga holiday season

CAPIZ – Madamo sang nabaton nga reklamo ang Consumers Union of Philippines sa mga produkto kag serbisyo sang mga establisimento subong nga holiday season.

Sa interview sang Bombo Radyo kay Atty. Rodel Taton, Presidente sang Consumers Union of the Philippines, iya ginpahayag nga pila sa mga reklamo sang regular consumers amo ang defective products, kulang nga refund, lain-lain nga presyo kag peke nga seller online.

Suno kay Atty. Taton, nagakadapat nga tsekyaron sang manugbakal ang presyo sang mga ginabakal nga produkto agud indi makibot sa oras sang pagpila sa cashier para magbayad.

Dugang pa sang natungdan, mas maayo kun may yara sang listahan ang consumer antes magpaninda.