ROXAS CITY-Ginkompirmar sang pamunuan sang City Disaster Risk Reduction and Management Office (CDRRMO) nga nagapadayon sa karon ang paghanas ukon “training” para sa contact tracing sang mga barangay officials sa siyudad sang Roxas.
Ini ang ginpahayag ni CDRRMO Head Mr. Dennis Saneo sang mainterview sang Bombo Radyo Roxas.
Suno kay Saneo nga tinutuyo sang training nga mapasanyog pa ang contact tracing sa mga High Risk Contact sang mga nagpositibo sa COVID-19.
Pinaagi suno diri nga mas matutukan ang pag-monitor sa mga na-close contact sang isa ka nagpositibo sa COVID-19 kadungan sang madasig nga pagtimbuok sang kaso sang nasambit nga balatian sa syudad.
Dugang pa sini nga duha na ka adlaw ang natapos sang nagsugod ang paghanas sang mga contact tracers nga magatakup sa Biyernes nga adlaw, Oktubre 2.
Mahibaluan nga kapin 213 na ka mga barangay officials ang natigayon nga mahanas nga ginabug-osan sang mga Barangay Officials, mga TANOD, Barangay Health Wokers ukon BHW’s nga nagikan sa nagkalain-lain nga mga barangay sa syudad sang Roxas.
Samtang may yara pa sang 10 ka mga kabarangayan nga wala pa natigayon nga mapaidalum sa paghanas.
Nagpahanumdum naman si Saneo nga kabahin ang paghanas ang proteksyon sang kada isa batuk sa COVID-19.
