ROXAS CITY-Nagapadayon ang ginapatigayon nga contact tracing sang Municipal Disaster Risk Reduction and Management Office sa banwa sang Dao sa mga na-close contact sang 64-anyos nga lalaki nga nagpositibo sa COVID-19.
Sa interview sang Bombo Radyo sa kay MDRRM Officer Wilmor Robles ginpahayag sini nga ang nagpositibo sa COVID-19 amo ang 64-anyos nga lalaki nga nagatrabaho sa banwa sang Dao apang residente sang iban nga banwa.
Nakabatyag sang sintomas rason nga ginpaidalom sa Real-Time Polymerase Chain Reaction ukon RT-PCR test ang kun sa diin nagpositibo ini.
Nagpamalibad naman si Robles nga ihatag ang impormasyon natuhoy sa kun sa diin nga banwa nagapuyo ang nagpositibo nga pasyente bangod luyag sini proteksyonan ang natungdan.
Samtang anum ka mga indibidwal ang ginpaidalom sa quarantine matapos nga na close contact ang nagpositibo nga pasyente.//
Suno sa kay Robles nga wala sang dapat nga ika-alarma ang mga pumuluyo sa nasambit nga banwa bangod ginahimo man sang LGU ang tanan agud indi maglapta ang virus.
Sa karon nagapabilin nga ginapaidalom sa quarantine sa isa ka pribado nga ospital ang nagpositibo nga pasyente.
