Padayon nga nagapahuway kag nagapaayo ang content creator kag YouTube vlogger nga si Gavin Capinpin ukon mas kilala bilang Ser Geybin, matapos ini nga maospital.
Sa ila vlog, ginpakigbahin sang iya mga utod kag nobya nga si Elma Asagra nga nagakinahanglan si Geybin sang panahon para makarekober.
Matandaan nga sang Hunyo 2, emosyonal nga gin-istorya sang pamilya ang rason sang iya wala pagpakita sa mga bag-o nila nga vlog.
Sa video, makita nga ginbuligan pa si Geybin nga masakay sa salakyan pakadto sa ospital bangud sa iya sini nga kahimtangan.
Suno kay Elma, isa sa mga ginakabalak-an ni Geybin amo ang iya responsibilidad sa pamilya, labi na sang nagtaliwan ang ila amay sang tuig 2021.
Nagpangayo man sang pangamuyo ang iya pamilya sa mga nagasuporta agud madasig ang iya sini nga pag-ayo.
