Ginselebrar sang Content creator nga si Donnalyn Bartolome ang Earth Day paagi sa isa ka tree-planting kag cleanup drive activity upod sa isa ka non-governmental organization.
Sa iya Instagram, ginpakigbahin ni Donnalyn ang ila pagtanom sang mga semilya sa isa ka bakante nga lote bilang paghiliusa sa adbokasiya para sa palibot.
Magluwas sa pagpananom sang kahoy, nagpatigayon man sila sang cleanup drive bilang suporta sa nature conservation. Lakip man sa nasambit nga aktibidad ang photo documentation sang ila mga aktibidades.
Nahibaluan nga ang Earth Day ginasaulog kada bulan sang Abril sa bug-os nga kalibutan halin sang 1970, sa tuyo nga mapasanyog ang ihibalo sa pag-amlig sang palibot batok sa climate change.
Nakabaton naman sang positibo nga reaksyon si Dobnalyn halin sa iya mga tagasuporta.
