ROXAS CITY – Ginkumpirmar ni former board member Weldie ‘Tambol’ Apolinario kag in-charge sa karon sa infrastructure project sang provincial government nga terminated na ang contractor.
Sa interview sang Bombo Radyo kay Apolinario, gin-terminate sang Hunyo 16, ang Salmega Builders and Supply nga contractor, bangud sa kapaslawan nga matapos sa gintalana nga bulan sang Marso sini nga tuig, ang road construction sa Brgy. Puti-an, banwa sang Cuartero.
Luyag man kuntani sang probinsya nga pasabton ang contractor sa nangin kapaltahan, apang bastante naman nga gin-terminate ini kag may posibilidad nga indi na sila makabaton sang proyekto sa Capiz.
Nahibaluan nga kapin 76% na kuntani nga kay-o ang proyekto.
Ginpasalig naman ni Apolinario, nga suno sa mandu ni Governor Fredenil Castro, ila nga pagakay-uhon ang amu nga dalan, kag idason ang water system, sa pagkamatuod ila na nga ginpadal-an sang equipment agud masuguran ang pagkay-o sang dalan, sa labing madali nga tion.
