ROXAS CITY – Nagapati ang donor and recruitment officer sang Philippine Red Cross Capiz Chapter nga daku ang mabulig sang Convalescent Plasma therapy sa mga COVID-19 patients nga critically kag severely ill.
Sa interview sang Bombo Radyo kay Mr. Ketch Armiza, ginpahayag sini nga sa pihak nga yara sa exploratory kag experiment stage ang Convalescent Plasma therapy may pila na ka mga pungsod ang nagagamit sang nasambit nga metodo sa pila ka mga sakit nga tobtob sa karon wala pa sang vaccine ukon bulong nga na-imbento.
May pila man ka mga reports nga may isa ka ospital sa Amerika nga gintughungan sang convalescent plasma ang pila ka mga severelyill nga COVID-19 patient sa diin nangin maayo ang resulta bangud makaligad ang tatlo ka adlaw nakita na ang improvement sa pasyente.
Bangud diri daku ang posibilidad nga makabulig ang convalescent plasma nga gikan sa anay nagpositibo sa nasambit nga sakit sa mga COVID-19 patients nga malubha ang kondisyon.
