Luwas si Bangsamoro Autonomous Region in Muslim Mindanao (BARMM) Chief Minister Abdulraof Macacua matpos nga gin-ambush ang iya convoy sa Barangay Bitu, Datu Odin Sinsuat, Maguindanao del Norte.
Suno sa inisyal nga report sang mga otoridad, ginpaarakan sang wala makilala nga armado nga mga suspetsado ang convoy sang Chief Minister samtang ini ang nagalabay sa lugar.
Sa pihak sang pagpang-atake, kumpirmado nga safe kag yara sa maayo nga kahimtangan si Macacua.
Sa subong padayon ang imbestigasyon sang kapulisan agud matumod ang mga gunman sa likod sang ambush kag mahibaluan ang motibo sang pagpang-atake.
Ginkordon na sang mga otoridad ang lugar kag nagapatigayon sang hot pursuit operations.
Ginpahayag sang pulis nga indi pa nila gilayon ma-classify ang insidente ukon ma-angot ini sa politika ukon mga isyu sa rehiyon.
