Ginpakita sang mga soldado nga Pilipino kag Amerikano ang ila nga synchronized firepower kag madasig nga pagresponde samtang ginahiwat ang high-intensity counterlanding kag Live-Fire Exercise kahapon nga adlaw May 3,2025 sa Barangay Dodan, Aparri, Cagayan bilang kabahin sang Balikatan Exercises 40-25.
Ang tema sang joint military exercise amo ang pagdepensa sa teritoryo sang pungsod sa norte.
Ang drill simulation nagapakita sang pagtukib sang isa ka Amphibious Task Group nga nagarepresentar sang isa ka pwersa sang pamahog nga nagatinguha sa pagdungka sa naaminhan nga baybayon.
Para sa madasig nga pagresponde, ang combined forces sang Pilippine-U.S. ang naghiwat sang isa ka coordinated counter-landing operation agud punggan ang pagtukod sang isa ka foothold sa lugar, nga nagapakita sang gintingub nga kusog kag asud-asod nga inter-operability.
Ginpakita man sang mga soldado halin sa Philippine Army kag Philippine Marine Corps ang ila nga kamayad sa paggamit sang modern nga asset, kalakaip na ang mga Sabrah battle tank, Light Armored Vehicles (LAVs), ATMOS 155mm self-propelled howitzer, kag dugang nga firepower halin sa 105mm howitzers.
