MANILA, Philippines – Ginbasura sang Court of Appeals “CA”, ang petisyon nga ginpasaka ni Pacifico “Curlee” Discaya nga nagatinguha nga baliskaron ang iya pagdetinar sa kustodiya sang Senado matapos siya ma-cite in contempt sang Senate Blue Ribbon Committee.
Sa resolusyon nga ginpaguwa sang CA Third Division sang Hunyo 4, ginpahayag sang korte nga depektibo sa proseso kag kulang sa legal nga basehan ang petisyon ni Discaya.
Ginpalig-on man sang appellate court ang nauna nga desisyon sang Pasay Regional Trial Court nga wala nakakita sang grave abuse of discretion sa bahin sang Senate Blue Ribbon Committee sang ginpaidalom si Discaya sa contempt order sang Setyembre sang nagligad nga tuig.
Suno sa kustodiya sang Senado ginpatuman ini bangud may kaangtanan sa rason sang wala pagtambong sang iya asawa nga si Sarah Discaya sa isa ka hearing sang komite.
Pahayag pa sang Senate Blue Ribbon Committee ang ginapatihan nga mga anomalya sa mga proyekto sang imprastraktura nga ginalambigit sa mag-asawa nga Discaya.
Dugang pa sang Court of Appeals nga wala nakasunod si Discaya sa mga kinahanglanon sa pagpasaka sang petisyon, lakip na ang paglakip sang mga importante nga dokumento kag pagserbi sang kopya sini sa mga respondent.
Sa karon nahibaluan sang nagligad nga semana, ginmandu sang korte Malolos Regional Trial Court ang pag aresto sa mag-asawa nga Discaya kag siyam ka iban pa ini bangud sa kaso nga graft kag malversation may kaangtanan sa ginapahayag nga irregular sa proyekyo sang flood control project nga nagabalor sang P53.9 million sa probinsya sang Bulacan.
