BINUNTUCAN, Pontevedra Capiz – Ginatan-aw nga ang Court Order sa pag-remit batok sa suspek makabulig sa pag-solbar kag paghatag sang hustisya sa pagluthang kay Police Captain Rian F Ampoyos.
Matandaan natabo ang insidente sang July 20, sa takna sang 12:00 sang kagabihon, samtang yara na ang tatlo ka mga pulis KTV bar, nagluntad ang komosyon sa tunga sang pila ka mga costumer, kun sa diin gilayon ini ginkadtuan sang mga pulis agud pakalmahon ang sitwasyon, apang hinali nga nagbunot sang armas ang isa sa mga suspek kag ginluthang si Ampoyos sa wala nga bahin sang dughan, ginhingagaw pa kuntani ini dalon sa ospital ang opisyal, apang sa masubo nga balita gindeklarar nga dead on arrival ini.
Sa interview sang Bombo Radyo kay Police Captain Maria Fe T Umiten , Officer in Charge sang Pontevedra Municipal Police Station, iya ginpahayag nga ang pag remit sa CRC natigayon sa adlaw sang ginlubong na si Captain Ampoyos Agosto 17, para sa nagakaigo nga examination kag dokumentasyon agud mapaligon ang kaso kag mapagwa ang kamatuoran ini kaangot sa ginatinguha nga mapanabat ang mga suspek kag mahatag ang hustisya sa pamilya.
Suno kay Umiten padayon sa karon ang manhunt operation sa duha ka indibidwal; ginpangalanan sila kanday alias boy kag alias Juan samtang ang suspek nga si alias William yara sa kustodiya sang kapulisan.
Pahayag pa niya murder case under Article 248 of the revised penal code ang kaso nga ipasaka batok sa mga suspek, samtang sa gihapon padayon ang manhunt operaration sa duha ka nabilin nga kaupod ni alias William.
Sa karon ginapanawagan sa tanan nga may yara nga pending nga kaso mahimo mag surrender sa katapo sang kapulisan, agud indi na mag tuga ini sang kakulba sa ila, samtang ginasigurado ini may nagakaigo nga proseso nga ginasunod kag layo na sa masami nga ginapalapta nga esrorya nga kun mag-surrender sila may matabo nga indi maayo.
