Natalana nga ipapanaug sang New Zealand government sa Alert Level 3 Lockdown sa masunod nga semana.
Ini ang ginkumpirmar ni Mr. Benjamin Alfred Baril, Bombo International Correspondent sa pungsod New Zealand.
Suno kay Baril nga ba-se sa pinakaulihi nga impormasyon nga iya nakuha naga hagan-hagan na ang pagsaka sang kaso sang covid-19 disease sa pungsod sa diin nadugangan ang napatay sa nasambit nga balatian.
Ginpahayag ni Baril nga lauman ang amat amat nga pagbalik sa normal nga operasyon sang pila ka mga essential establishments kag mga buluthuan.
Apang magapadayon sa gihapon ang pag-obserbar sang Social Distancing kag Travel Restrictions sa pungsod.
Gindugang pa ni Baril nga magadugay sang duha ka semana ang Lockdown Level 3 sa pungsod agud mabantayan ang kaso sang Covid-19 Disease.
