COVID-19 cases sa Capiz naglab-ot na sa 66 matapos narekord ang anom ka panibag-o nga kaso

ROXAS CITY – Nakarekord sang anom ka panibag-o nga kaso sang Coronavirus Disease ukon COVID-19 ang probinsya sang Capiz.

Ini ang base sa ginpaguwa nga datos sang Capiz Provincial Health Office ukon Capiz PHO kahapon, Hulyo 31, 2020.

Nahibaluan nga naglab-ut na sa 66 ang kabug-usan nga kaso sang COVID-19 sa probinsya.

Sa nasambit nga numero 48 ang ginakabig nga active cases, 16 ang nakarekober kag duha naman ang ginbawian sang kabuhi bangud sa nasambit nga virus.

Nagapadayon naman ang contact tracing sang mga otoridad sa mga indibidwal nga naka-close contact sa mga nagpositibo.