ROXAS CITY – Nagdangat na sa masobra 300 ang kabug-usan nga kaso sang CoViD-19 sa probinsya sang Capiz.
Sa interview sang Bombo Radyo kay Mr. Joeffrey Espiritu, Development Officer IV sang Department of Health – Capiz nga masobra na sa 300 ang numero sang mga nagpositibo sa amo nga balatian.
Ginkompirmar ni Espiritu nga 29 ka mga medical health workers ang nagpositibo sa amo nga sakit nga ginalakipan sang 9 ka mga doktor, 19 ka mga nurses kag duha ka mga nursing attendants.
Padayon naman ang kampanya sang DOH sa pag-impormar sa mga pumuluyo nga ipadayon ang pagsunod sang pila ka mga minimum health protocols agud malikawan ang paglapta sang nasambit nga balatian.
Sa karon, naglab-ot na sa 311 ang kabug-usan nga kaso sang COVID-19 sa probinsya kun sa diin 95 diri ang active cases, 195 ang total recoveries kag 21 ang total deaths.
