ROXAS CITY-Naglab-ut na sa 514 ang kabug-osan nga kaso sang corona virus disease 2019 ukon COVID-19 sa probinsiya sang Capiz.
Sandig sa ginpaguwa nga case bulletin sang Capiz Provincial Health (PHO), nadugangan sang 12 ka mga panibag-o nga kaso ang probinsiya kahapon nga adlaw, Oktubre 2.
Sa kabug-osan nga nagpositibo, 130 diri ang mga suspect case, 87 ang mga Locally Stranded Individuals (LSI), 38 ang mga Returning Overseas Filipinos (ROF), 216 ang mga High Risk Contacts, kag 42 ka iban pa nga mga indibidwal.
150 diri ang ginakabig mga active cases ukon padayon nga ginabulong sa mga ospital.
Samtang naglab-ut na sa 335 ang mga nag-ayo na sa amo nga balatian kag nagapabilin sa 29 ang ginbawian na sang kabuhi.
Mahibaluan nga sa 12 ka mga panibag-o nga kaso sa probinsiya kahapon nga adlaw, 11 diri ang nagikan sa Roxas City kag 1 ang nagikan sa banwa sang Dumalag.
