ROXAS CITY-Naglab-ut sa 314 ang kabug-osan nga kaso sang corona virus disease 2019 ukon COVID-19 sa probinsiya.
Sandig sa ginpaguwa nga datos sang Capiz Provincial Health Office, nadugangan sang tatlo ka mga panibag-o nga kaso ang probinsiya kahapon nga adlaw, Setyembre 15.
Ang tatlo ka mga panibag-o nga kaso ang ginakalakipan sang mga masunod.
1. 20-anyos nga babayi nga Locally Stranded Lndividual nga residente sang banwa sang Sapian kag may yara sang history of travel sa Montalban, Rizal.
2. 48-anyos nga lalaki nga Locally Stranded individual nga residente sang banwa sang Ivisan kag may yara sang history of travel sa Cavite.
3. 67-anyos nga lalaki Suspect Case nga residente sang Roxas City kag wala sang history of travel.
Suno sa PHO nga 98 diri ang active cases ukon padayon nga ginabulong sa ospital.
Samtang yara na sa 195 ka mga indibidwal ang nag-ayo na sa nasambit nga sakit kag 21 na ang ginbawian sang kabuhi.//END
