-- ADVERTISEMENT --
ROXAS CITY-Naglab-ut na sa 333 ang kabug-osan nga kaso sang corona virus disease 2019 ukon COVID-19 ang napagkit sa probinsiya.
Sa ginpaguwa nga case bulletin sang Capiz Provincial Health Office (PHO), 19 ka mga panibag-o nga kaso ang nagdugang sa probinsiya kahapon nga adlaw.
Suno PHO nga 3 diri ang nagikan sa banwa sang Panay, Lima sa banwa sang Pontevedra, apat sa banwa sang Dumalag, tig duha sa banwa Panitan kag Roxas City kag tig isa banwa sang Sapian, Dao kag President Roxas.
Gindugang pa sang PHO nga 108 diri ang ginakabig nga active cases ukon padayon nga ginabulong sa ospital.
Samtang naglab-ut na sa 202 ka mga indibidwal ang nag-ayo na sa nasambit nga balatian kag 23 ang ginbawian na sang kabuhi.
-- ADVERTISEMENT --
