ROXAS CITY-Naglab-ut na sa 857 ang kabug-osan nga kaso sang corona virus disease 2019 ukon COVID-19 sa probinsiya sang Capiz.
Sandig sa ginpaguwa nga case bulletin sang Capiz Provincial Health (PHO), nadugangan sang 10 ka mga panibag-o nga kaso ang probinsiya kun sa diin 7 diri ang nagikan sa siyudad sang Roxas samtang 3 ang nagikan sa banwa sang Dumalag.
Sa kabug-osan nga mga nagpositibo, 213 diri ang mga suspect case, 136 ang mga Locally Stranded Individuals (LSI), 43 ang mga Returning Overseas Filipinos (ROF), 380 ang mga High Risk Contacts, kag 85 ka iban pa nga mga indibidwal.
129 diri ang ginakabig mga active cases ukon padayon nga ginabulong sa mga ospital.
Samtang naglab-ut na sa 685 ang mga nag-ayo na sa amo nga balatian kag nagpabilin sa 43 ang ginbawian na sang kabuhi.//END
