ROXAS CITY-Naglab-ut na sa 889 ang kabug-osan nga kaso sang corona virus disease 2019 ukon COVID-19 sa probinsiya sang Capiz.
Sandig sa ginpaguwa nga case bulletin sang Capiz Provincial Health (PHO), nadugangan sang 17 ka mga panibag-o nga kaso ang probinsiya kun sa diin 5 diri ang nagikan sa banwa sang Tapaz, 4 na gikan sa siyudad sang Roxas, 2 sa banwa sang Pontevedra samtang tig isa naman sa banwa sang Ivisan, Sigma,Mambusao, Maayon, Dumalag kag Jamindan.
Sa kabug-osan nga mga nagpositibo, 2 diri ang mga suspect case, 138 ang mga Locally Stranded Individuals (LSI), 44 ang mga Returning Overseas Filipinos (ROF), 406 ang mga High Risk Contacts, kag 89 ka iban pa nga mga indibidwal.
138 diri ang ginakabig mga active cases ukon padayon nga ginabulong sa mga ospital.
Samtang naglab-ut na sa 717 ang mga nag-ayo na sa amo nga balatian kag naglab-ut na sa 43 ang ginbawian na sang kabuhi.
