ROXAS CITY-Naglab-ut sa 161 ang kabug-osan nga kaso sang corona virus disease 2019 ukon COVID-19 sa Roxas City.
Sandig sa ginpaguwa nga official statement ni Roxas City Mayor Ronnie Dadivas nga duha ka mga panibag-o nga kaso ang nagdugang sa siyudad kahapon nga adlaw.
Ang duha ka mga nagpositibo ang ginakalakipan sang mga masunod:
Case #159: 62-anyos nga senior citizen nga lalaki kag pumoluyo sang Barangay Baybay. Roxas City kag may yara sang close contact sa nagpositibo sa amo nga sakit.
Case #160: 51-anyos nga lalaki kag pumoluyo sang McKinley St. Barangay. 1,Roxas City kag yara naka admit sa isa ka pribado nga ospital sa siyudad.
Samtang ginkompirmar ni Dadivas nga may yara sang isa ka positive case nga ginbawian na sang kabuhi.
Suno sa kay Dadivas nga ang napatay amo ang 66-anyos nga babaye nga pomuluyo sang New Road, Barangay Banica, sining siyudad.
Ginbulong sa isa ka pribado nga ospital apang ginbawian sang kabuhi bangud sang COVID-19 kag sa madugay na sini nga ginasupreher nga balatian.
Sa karon may yara na sang kabug-osan nga 57 ka mga active case nga padayon nga ginabulong sa ospital, 86 ang nag-ayo na sa nasambit nga balatian kag 18 na ang ginbawian sang kabuhi.
