-- ADVERTISEMENT --
ROXAS CITY – Nangin malinong kag matawhay ang pag-obserbar sang mga muslim sang Eid Al Adha sa pihak sang Coronavirus Disease ukon COVID-19 Pandemic.
Ginpahayag ni Alvin Matuan ang Presidente sang Muslim Community sa Premier De Mayo Street, Barangay IX sining siyudad nga tuman kalayo ang ila nakaangdan sang tinalikdan nga tuig kun ikumparar subong nga may yara na sang ginapangatubang nga pandemya bangud sa COVID-19.
Apang, sa pihak sini nagpatigayon sa gihapon sang pagpangamuyo ang mga muslim kag gamay nga salo-salo sa adlaw sang Eid Al Adha.
Samtang, nagasunod naman sila mga ginapatuman nga health protocols kag preventive measures sa probinsya agud malikawan nga malatnan sang COVID-19.
