Liwat nga nakapagkit sang panibag-o nga kaso sang COVID-19 ang syudad sang Roxas.
Sandig sa Official Statement ni Roxas City Mayor Ronnie Dadivas, Duha ka mga panibag-o nga kaso sang nasambit nga balatian ang napagkit sa siyudad kahapon, Setymbre 19, kun sa diin isa diri ang ginbawian na sang kabuhi.
Ang nasambit nga mga nagpositibo ginalakipan sang mga masunod:
1. 27-anyos nga babaye nga Health worker sa isa ka pribado nga ospital kag residente sang Sitio San Isidro, Barangay. Lonoy, Roxas City.
Ang nasambit nga health worker ang nagpaidalom sa Swab Test sang Setyembre 14 kag ginpaidalom man sa quarantine.
Padayon sa karon nga ginabulong ang nagpositibo nga health worker matapos nga nakabatyag sang sintomas.
2.86-anyos nga senior citizen nga babayi kag residente sang Sitio Proper, Barangay San Jose, Roxas City.
Gindala sa Roxas Memorial Provincial Hospital sang Setyembre 16, apang pagka-aga ginbawian man ini sang kabuhi.
Samtang may yara naman sang apat ka paninbag-o nga mga recoveries ang syudad.
Ini ang ginalakipan sang mga masunod :
1.29-anyos nga Health Worker nga babaye sa RMPH kag residente sang Barangay Culasi, sining siyudad.
2. 27-anyos nga Lalaki nga Health worker sa RMPH kag residente sang Arnaldo Blvd., Barangay Baybay, Roxas City.
3. 22-anyos nga babaye kag residente sang San Juan Barangay Baybay, Roxas City
4.40-anyos nga lalaki kag residente sang Barangay Banica, Roxas City.
Sa karon may yara na sa 183 ang kabug-osan nga kaso sa siyudad kun sa diin 69 diri ang mga active cases, 94 ang recoveries kag 20 ang ginbawian na sang kabuhi.
