CAPIZ – Nagmandu na si Capiz Police Provincial Office Director Police Colonel Albert Tapulao sa mga kapulisan nga isipon ang mga patyo kag transport hubs sa probinsya agud mapreparahan ang Pista Minatay sa Nobyembre 1 tubtob Nobyembre 2, 2025.
Sa interview sang Bombo Radyo kay Police Captain Merry Chris Dela Cruz, Spokesperson sang Capiz Police Provincial Office, iya ginpahayag nga ginahitso pa ang deployment sang mga kapulisan sa mga patyo kag transport hubs agud masiguro nga may yara sang pulis nga naka-standby sa areas of convergence.
Suno kay Dela Cruz, halos kaangay man ang mangin pagsulundan sa kada pagsulod sa patyo sa diin dumilian ang pagdala sang mga patalom ukon hinganiban sa adlaw mismo sang Pista Minatay.
Panugyan sang natungdan sa publiko, kun manglimpyo sang patyo ukon pantyon sang himata, nagakadapat nga antes ang Nobyembre 1 ukon Nobyembre 2 bangud hugot na nga tsekyaron sang kapulisan ang mga dala sa nasambit nga duha ka adlaw.
