ROXAS CITY – Bugal sang Capiz Police Provincial Office (CPPO) nga ma-acknowledged sang Police Regional Office (PRO-6) nga may pinakamataas nga numero sang mga nagsungka sang indi lisensiyado nga armas sa Western Visayas.
Ginpahayag ni Police Major Renante Matillano, operations manager sang CPPO nga tuga ini sang inisyatibo sang kapulisan sa probinsiya sa pagpanguna ni Police Colonel Julio Gustilo Jr., agud labi pa nga mapabakud ang kampanya nga ‘’Tokhang Kontra Armas Luthang ukon TIKAL’’ agud malikawan sang mga sibilyan nga maglapas sa Comprehensive Law on Firearms and Regulation Act ukon RA 10591.
Suno kay Matillano nga ang banwa sang Dumarao ang may pinamadamo nga ginturn over nga loose firearms sa diin naglab-ot ini sa 66 ka mga homemade firearms.
Matandaan nga halos adlaw adlaw madamo ng mga opisyales sa barangay ang nagaturn over sa pulisya sa kabanwahanan sang mga armas nga ginatugyan sang ila mga constituents.
