-- ADVERTISEMENT --
Handa na ang Capiz Police Provincial Office para sa selebrasyon sang Capiztahan Festival 2026.
Sa interview sang Bombo Radyo kay Police Major Rachelle Garnica, public information officer sang amo nga talatapan, iya ginpahayag nga ginaplastar na ang ila security plan agud masiguro ang seguridad sang publiko kadungan sang amo nga selebrasyon.
Suno kay Garnica, lakip sa mga preparasyon sang mga kapulisan ang amo pagdeploy sa mga nagkalain-lain nga lugar nga may ginpatigayon nga mga events.
Dugang pa sang natungdan, may ginpatuman man nga mga checkpoints kag may nagalibot nga mga mobile patrol.
Nagpanahanumdom man ini sa publiko nga hugot nga ginadumilian sa festival zones ang pagdala sang armas ukon deadly weapon.
-- ADVERTISEMENT --
