CPPO hugot nga ginamonitor ang mga illegal gambling activities sa probinsiya sa pihak sang pandemiya

ROXAS CITY-Padayon nga ginatutukan sang Capiz Police Provincial Office ang pagduging sang ilegal nga sugal sa probinsiya.//

Ini ang ginpasalig ni Police Colonel Julio Gustilo Jr., Provincial Director sang CPPO sang mainterview sang Bombo Radyo.//

Ginpahayag ni Gustilo nga sa pihak nga naka quaratine ini, hugot nga ginamanduan sini ang mga kapulisan nga dakpon ang mga nagapatigayon sang ilegal nga sugal.

Suno kay Gustilo ginapapatukan na sini sa mga kapulisan ang mga ilegal nga sugal nga naga-imbitar sang madamo nga tawo kalakip na ang ila tupad kag pagsugal sang baraha.

Gindugang pa sini nga magluwas nga paglapas ini sa layi sa pungsod, ginadumilian man ang pagtililipon sang mga indibidwal agud malikawan ang paglapta sang virus.